BNG Baiona

Orde do día:

1.- Aprobación de acta anteiror.

2.- Dación de contas dos das resoluciuóns da Alcaldía.

3.- Ordenanza de circulación de peóns e ciclistas do concello de Baiona.

4.- Adxudicación do contrato para a construción e posterior explotación de una aparacamento de vehículos no Aral.

5.- Modificación da ordenanza fiscal nº 8 reguladora da taxa por prestación do servizo de saneamento e da ordenanza fiscal nº 12 reguladora da taxa por prestación do servizo de abastecemento de Auga.

6.- Adxudicación definitiva do contrato de concesión de obra pública de construción e explotación dun centro cívico social en Sabarís.

7.- Mocións.

8.- Rogos e preguntas.

Para poder escoitar o pleno podes pulsar aquí. radio-bng

POSICION DO BNG DE BAIONA PERANTE A PROPOSTA DE “ORDENANZA DE CIRCULACIÓN DE PEÓNS E CICLISTAS” INCLUÍDA NO PLENO DO XOVES 8 DE OUTUBRO DO 2009.

O BNG de Baiona quere amosar a súa total disconformidade coa proposta de “Ordenanza de Circulación de Peóns e Ciclistas” que a Alcaldía de Baiona levará ao pleno do vindeiro xoves 8 de outubro do 2009.

 A referida proposta obriga ao uso da bicicleta maioritariamente polas calzadas do noso Concello, compartindo espazo con todo tipo de vehículos de motor, camións, autobuses, coches,.... co risco para os/as cicloturistas que isto conleva, e restrinxindo o uso das mesmas en espazos peonis como poden certos paseos como o de Alfoso IX ou Monteboi. Así  no artigo 15 da ordenanza indícase que “As bicicletas circularán pola calzada”.

Ben é certo que neste mesmo artigo 15 sinálase que “cando exista carril bici, circularán preferiblemente por este”. No tocante a este punto dende o BNG de Baiona queremos denunciar en primeiro lugar o descoñecemento dende a Alcaldía da actual Lei de Seguridade Víal, posto que nela defínese como carril-bici ao carril que discorre adosado a calzada, atopándonos en toda Baiona cuns únicos 100 m. de carril bici recentemente pintados ás presas na praia de Santa Marta. O resto de víais para bicicletas  son denominados pola Lei como Beirarrúas-bici, vía ciclista sinalizada sobre a beirarrúa.

En segundo lugar hai que sinalar que as diferentes vías ciclistas existentes no Concello de Baiona son practicamente inútiles para o disfrute da bicicleta. Atopamonos cunha vía ciclista dende o Paseo Pinzón ata a Ramallosa incompleta, coa nova ordenanza en numerosos tramos (Ponte de madeira na Praia da Ladeira, Paseo de Alfonso IX,...)  habería que baixar da bicicleta e continuar andando ou virar para a calzada co perigo que isto supón sobretodo para os cativos e cativas. Unhas vías que na maior parte do seu percorrido  superan por pouco o metro de ancho facendo imposible a circulación en ambos sentidos. Unhas vías que teñen xiros de 90º e incluen no seu interior ou nos seus lindes árbores, sinais, mobiliario urbano,.... Unhas vías ciclistas que ademáis terán que soportar tamén o uso de patíns, patinetes e monopatíns que como especifica o artigo 11 da Ordenanza teñen que circular exclusivamente polo suposto carril bici. En fin, unhas vías ciclistas totalmente inservibles.

 Neste punto unha salvidade da ordenanza é permitir a circulación polas beirarrúas a nenos e nenas menores de 8 anos e sempre acompañados de adultos/as, adultos/as que supoñemos que irán correndo detrás das bicicletas dos nenos e nenas posto que non poden ir en bici propia.

En terceiro lugar e seguindo coa suma de despropósitos a normativa prohibe a circulación polo novo paseo do Monteboi, as sendas fluviais e os paseos de madeira sobre os areais por cuestións ambientais. Debe considerar o goberno municipal que a bicicleta é un vehículo altamente contaminante e dun grande impacto ambiental a inversa do que pasa no resto do mundo onde se reservan as sendas verdes para peóns e cicloturistas.

E nun último lugar  dende a Alcaldía preténdese agasallar aos veciños e veciñas de Baiona que decidan disfrutar da bicicleta en familia sen ir apiñados nos pseudocarris bici ou xogándose a vida nas calzadas con multas dende 50€ a 500€.

Polo tanto, dende o BNG de Baiona, solicitamos que sexa retirada da Orde do Día do Pleno a “Ordenanza de Circulación de Peóns e Ciclistas”,  e se inicie un proceso de estudo para a creación dun Plan de Transporte Sostible para Concello de Baiona, que inclúa a creación de diferentes vías ciclistas dende A Ramallosa ao Cabo Silleiro e as súas diferentes conexións coas parroquias de xeito que se convirta nun eixo vertebrador do Concello e un referente a nivel de ocio familiar, deportivo ou turístico fomentando o uso da bicicleta como transporte non contaminante.

Entendemos que, no referente a circulación de peóns e bicicletas, dende o Concello de Baiona débese traballar por cumplir a Lei de Seguridade Vial, que recolle as medidas de seguridade reais que aparecen neste intento de Ordenanza, así como dar prioridade aos peóns en tódolos espazos peonís do Concello e limitar a velocidade nos mesmos.

Asemblea Local do BNG de Baiona

O BNG de Baiona apoia a Platafoma queremos galego, para máis información podes acceder o seguinte link.

As deputadas do BNG no Parlamento Galego, Carme Adán, Ana Luisa Bouza, e o deputado Henrique Viéitez, reiteran a esixencia á Xunta de Galiza de que o novo hospital de Vigo “sexa público, sen redución no número de camas previsto e que poña fin ao concerto singular con POVISA”.

Os deputados do BNG consideran que “coa sanidade pública non se debe facer negocio, e polo tanto na sanidade pública galega non se lle debe dar entrada ao financiamento privado”.

Neste sentido, as parlamentarias nacionalistas teñen rexistrada unha iniciativa no Parlamento Galego na que lle demandan á Consellaría de Sanidade que defina se o financiamento do novo hospital de Vigo vai ser con diñeiro público e que aclare se asume o comprimo de que teña 1.440 camas, tal e como se contempla na plano de infraestruturas sanitarias actualmente en vigor.

As deputadas do BNG critican a “indefinición” do Goberno do PP a este respeito.

“A Consellaría de Sanidade ten que aclarar se quere seguir co modelo de POVISA”

Ademais, as parlamentarias do BNG demándanlle ao Goberno de Feijóo se “mantén o compromiso do acordo pola sanidade pública -asinado polo Goberno Bipartito- de 2006 respeito á non continuidade do convenio singular con POVISA no momento en que sexa posíbel adscribir a esta poboación a un hospital público”.

Por último, pédenlle á Consellaría de Sanidade que aclare cómo se compromete a axilizar o proceso de expropiación dos terreos -tal e como consta nunha resposta do Goberno da Xunta ao BNG- sen coñecer os resultados do estudo realizado polo grupo de avaliación sobre o proxecto concreto de hospital de 1.440 camas que aparece no plano de infraestruturas sanitarias actualmente en vigor e que puxo en marcha a anterior Consellaría de Sanidade.

O BNG de Baiona quer manifestar a súa solidariedade con a ANPA do colexio de Fontes ademais de con todo os pais e nais que se negan a que os seus fillos e fillas acudan o colexio no estado lamentábel no que se atopa.

Si ben e certo que a Xunta xa se comprometeu a realizar as obras de infraestrutura necesaria, tamén e certo que non por iso se deben abandonar as de mantemento que lle corresponden o Concello.

Non entendemos como unhas obras menores como son as que solicita a ANPA, para que os seus fillo/as poidan comezar este novo curso escolar dunha maneira decente pódense negar reiteradamente por parte do Sr. Alcalde xa que o seu custe non supón ningún desfase nos orzamentos municipais, mais ben parece unha cuestión de cabezonería e non económica.

Non entendemos a actitude do Sr. Alcalde que unha vez mais antepón os intereses partidista a os dos seus veciños, de todos e sabido a pouca aposta que o PP fai polo ensino público pero entendemos que o Sr. Almuiña debera de estar por enriba de todo isto, e defender a seus veciños/as que para iso foi elixido.

Está xerado un conflito na parroquia de Baiña e Baredo que non debera existir e que o Alcalde ten a responsabilidade de resolver canto antes polo que o BNG de Baiona, lle esixe o Sr. Alcalde que convoque unha reunión urxente de portavoces e cos representantes dos pais e nais (ANPA) ademais do equipo directivo do colexio de Fontes, con o fin de chegar a unha solución deste conflito a maior brevidade.

BAIONA 09 SETEMBRO 2009

XOSE ENRIQUE FDEZ ROBERTO VALVERDE SABIN

O BNG DENUNCIA “O CAOS E A IMPROVISACIÓN” DA CONSELLARÍA DE EDUCACIÓN NO INICIO DE CURSO ESCOLAR E ADVIRTE DE QUE “ESTÁ POÑENDO EN PERIGO O ENSINO PÚBLICO”

Carme Adán asegura que “nun momento de crise, o 75% das familias galegas van ter que pagar os libros de texto” co novo sistema

A portavoz de Educación do BNG no Parlamento Galego, Carme Adán, denunciou hoxe o “caos” que ten creado a Consellaría de Educación no inicio do curso escolar, “unha situación que se debe á improvisación coa que está actuando a Consellaría e a unha estratexia do PP de perxudicar ao ensino público e beneficiar ao privado”.

Carme Adán advertiu de que “en só catro meses, e a uns días de que se inicie o curso escolar o conselleiro de Educación provocou unha situación de caos (...) e está a pór en perigo o ensino público”.

O 75% das familias terán que pagar os libros de texto

A deputada do BNG puxo como exemplo a supresión da gratuidade dos libros de texto, “un recorte social que afectará a miles de familias galegas, precisamente nun momento de crise económica no que moita xente o está a pasar moi mal”.

Neste sentido, advertiu que “a medida fará que o 75% das familias galegas con fillos en idade escolar teñan que pagar os libros de texto co novo sistema”, e tachou de “propaganda” a campaña publicitaria da Consellaría de Educación na que anuncia que a “gratuidade solidaria” beneficiará a 7 de cada 10 familias, “un dato falso porque suman nesa cifra a todas os cursos que se manteñen no anterior sistema de préstamo gratuíto, que como sabemos van ir suprimindo”.

“As familias non saben qué vai pasar cos comedores escolares”

Carme Adán tamén denunciou a situación de incertidume na que se atopan os comedores escolares. Advertiu de que “a día de hoxe moitos centros públicos de educación aínda non saben se van poder cubrir toda a demanda e mesmo se van poder seguir prestando o servizo”.

Neste sentido, criticou que “o conselleiro aínda non teña nomeado a día de hoxe ao subdirector xeral responsábel da polítca de comedores e dea a calada por resposta aos directores dos centros e ás ANPAS”.

Igualmente, denunciou a paralización por parte da Consellaria de obras de reforma e mellora previstas en moitos centros públicos, e puxo como exemplo o CEIP de Baiona “onde unhas obras que xa estaban orzamentadas e previstas foron paradas e vaise iniciar o curso escolar sen telas realizado”.

A parlamentaria nacionalista tamén advertiu da falla de información sobre o futuro do transporte escolar, “do que a día de hoxe a Consellaría aínda non informou se vai reducir os tempos de espera e reforzar as rutas ou seguirá coa súa política de recortes”.

Recortes no profesorado

Ademais, Carme Adán tamén se referiu aos “importantes recortes no persoal docente” dos centros públicos, “o que redundará nun deterioro da calidade do ensino”. Citou como exemplo os agrupamentos escolares; a redución do 10% do proferorado de primaria, chegando ao 25% nalgúns centros; o recorte de 500 prazas de profesorado en ensino secundario; a reducción de profesorado nas Escolas Oficiais de Idiomas; ou a eliminación das prazas de formación e recursos para o profesorado, “unha medida contemplada na LOE e que a Consellaría debería explicar cómo a vai cumprir”.

Na mesma liña, criticou a decisión da Consellaría de suprimir módulos dos ciclos formativos de Formación Profesional, “caso da cociña galega de vangarda, algo totalmente contraditorio coas potencialidades de Galiza no eido do turismo gastronómico, e que só podemos entender dende a obsesión do Goberno do PP de eliminar todo o que sone a galego”.

Apoio da Consellaría á segregación por sexos nas aulas

Por último, a deputada do BNG denunciou que “a Consellaria de Edcuación tivera aproveitado o período estival para intentar que pasase desapercibido que vai subvencionar con cartos públicos a centros de ensino privado que separan ao alumnado por sexos, unha medida que vai en contra de todas as políticas de fomento da igualdade entre homes e mulleres”.

Hoxe rematou o prazo par a presentación de alegacións o PEPCHAB e hoxe o BNG volta de novo a presentar alegacións o Plan Especial de Protección do Casco Historico e Artístico de Baiona, xa que unha vez pasada a súa aprovación provisional, poidemos comprobar como gran parte das alegacións feitas, polo BNG, na anterior exposición pública non se tiveron en conta ou a súa resposta non nos parece a portuna.

Que decir, de que o BNG non poderá votar a favor da súa aprovación definitiva se por parte do Goberno Baiones non se atenden as nosas alegacións, senon na súa totalidade, si en parte. O BNG está a cumplir acudindo as comisións de seguimente e dando sempre alí o seu punto de vista e tentando achegar posturas, e coma neste caso, presentando as alegacións que entende convintes.

O Goberno Baiones ten a maioría suficiente para poder proceder a súa aprovación definitiva é unha magoa que non se quiera chegar a súa aprovación por consenso.

Alegacións PEPCHAB

Queremos recordar as manifestacións feitas fai pouco máis de un ano: http://www.lavozdegalicia.es/vigo/2008/05/07/0003_6795896.htm?idioma=galego

Xa está dípoñibel o pleno do mes de Agosto en Radio BNG.

Orde do día:

1.- Aprobación de acta anterior.

2.- Dación de conta das resolucións da Alcaldía.

3.- Dación de conta da solicitude do concello a extinta Vicepresicencia da Igualdade e Benestar ó beiro da orde de 1 de Abril de 2009 pola que se regulan as bases polas que se rexerá a concesión da subvencións destinadas ao cofinanciamento da prestación de servizos sociais polas corporacións locais.

4.- Aprobación, se procede, da modificación de crédito 3/09.

5.- Aprobación, se procede, das festas locais 2010.

6.- Aprobación, se procede, da moción do grupo municipal do PSDG-PSOE relativa a constitución dunha comisión para eleborar un plan de emprego.

7.- Mocións.

8.- Rogos e Preguntas.

Lonxe de ser este un pleno ordinario de púro trámite por atoparnos no perídodo estival, pasou a ser un dos máis tensos, por mor da cabezonería do Sr. Alcalde, que non quere entrar en razóns e acordar uns mínimos de mantenemento no colexio de Fontes, xa que a ANPA é consciente de que a reforma total dos sanitarios do centro non se poden acometer neste período vacacional, pese as promesas recibidas polo mismínismo Sr. Alcalde e a Concelleria de Educación.

Posiblemente con pouco máis de 3000€ e unha cuadrilla de obras do Concello durante unha semana no colexio de Fontes, se solucionan todas as peticións que os Pais e Nais están a facer. Cambiar os pomos das portas, cambiar o grifos, pintar os soportes dos lavabos, e reparar os azulejos que rompeu o propio concello a hora de reparar os desaugues dos sanitarios, cambiar un par de portas, e adaptar un baño para os nenos e nenas de infantil.

De verdade que se pode alguén escudar en que todo o problema é que o Bipartito non fixo nada no colexio de Fontes ou que non teñen orzamento na Xunta de Galicia, cando "sen orzamento", gastaron 400.000 € nunha enquisa que non é vinculante.

Os problemas dos cais se solicitita solución urxente, non deixa de ser outro máis que mantenemento do existente. E isto Sr. Alcalde é competencia do Concello, non da Xunta.

En Febreiro o equipo de goberno aopiaba moi efusibamente a ANPA, ¿qué pasa agora?. Queremso recorda tamén, que o BNG tanto as apoiaba ente do 1 de Marzo como agora.

Na toma de investidura do sr. Almunia, o BNG comprometeu a súa palabra en fiscalizar as accións de goberno, por isto, no desenvolvemento do noso traballo, queremos denunciar ante a opinión pública, os gravísimos feitos que nos últimos días puidemos comprobar.

A resultas das obras contratadas polo Concello con cargo o Fondo Estatal de inversión local, (plan E), puidemos comprobar, que tres das obras contratadas, (Ampliación da rede municipal de saneamento nas parroquias 400.000 €, Paseo Monte Boi 489.034 €, Humanización da Rúa Marques de Quintanar 248.855 €), foron adxudicadas as direccións de obra o enxeñeiro Baltasar Pujales, ante este feito fai aprox. dous meses preguntamos o alcalde no pleno, que criterios se tiñan seguido para estas contratacións, a súa contestación foi simple, “ningunha en especial”.

Si facemos contas, e aplicamos o 4% a estas cantidades obteremos o que este enxeñeiro cobra nos aproximadamente catro meses que duran as mesmas 45.515,58 € mais si engadimos 16.000 € polo proxecto dos saneamentos, obtemos unha cantidade de 61.515 €, case nada , e a todo isto, seguimos en crise e medrando o desemprego, pero o grave desta situación non é isto, ademais puidemos comprobar que este cabaleiro fai o seu traballo, a dirección destas obras, en horas da xornada laboral da Deputación Provincial, a cal pertence, con o coche oficial e con o chofer da deputación.

Ante esta situación defraude manifesto e coa complicidade explícita do alcalde, o BNG manifesta o seguinte:

1ª Tendo en conta que o alcalde e o Presidente da comisión informativa de réxime interior e persoal da Deputación de Pontevedra, solicitamos do Presidente deste ente provincial, o cese inmediato desta responsabilidade o sr. Almuiña por ser cómplice desta situación irregular.

2ª Que o sr. Presidente da Deputación de Pontevedra depure responsabilidades e tome as medidas oportunas para evitar estas situacións no sucesivo, que o parecer tamén danse na zoa de Pontevedra norte con o enxeñeiro sr. Montero, o que incluso utiliza os vixiantes da deputación , tamén para os seus traballos persoais.

3ª Esixir o sr Pujales a devolución integra dos importe percibidos nas arcas municipais polas direccións de obra, xa que cobra os seus honorarios a través da Deputación, e que sexan invertidos os mesmos en melloras das obras.

E ademais queremos preguntarlle o sr. Almuiña, que intereses ten él en que o sr. Pujales fose o director de estas obras, e que nos explique que hai detrás de toda esta historia.

A NÓS, O BNG, CHEIRANOS ISTO TODO MOI MAL.

06 AGOSTO 2009 XOSE ENRIQUE FDEZ

O Sr. Almuiña, está a perder os papeis, entre as idas o xulgado, o problema da desorde pública nas fins de semana, e coas manifestacións da AnPa de Fontes, xa non da máis.

O sr. Alcalde de Baiona pasou de tentar levar para o calabozo a un rapaz de 14 anos por supostamente insultalo, ata chegar onte a ameazar a Presidenta da AnPa do colexio de Fontes en Baiña, por terse xuntado nas instalacións do Colexio cos dous concelleiros do BNG e a Deputada Nacionalista Carme Adán, que elevará a cámara autonómica as reivindicacións da AnPa.

O BNG qure solidarizarse coa directiva da AnPa e animalas a que sigan reivindicando o que é xusto para os seus fillos.

No pleno de mañá o BNG levará unha moción de urxencia para tentar chegar a unha solución que agrade a todas as partes, solicitando unha comisión para elavorar unhas mínimas actuacións a facer neste colexio para poder iniciar o vindeiro curso coas deficiencias máis graves resoltas.