O Ximbaleu tamén estivo presente na mani do xoves convocada por QUEREMOS GALEGO.

Distintos colectivos están preparando un concerto Pro-Haití. En principio será o vindeiro 6 de Febreiro no Auditorio Municipal “V Centenario”, dende o BNG queremos felicitar e animar os colectivos particiapantes pola iniciativa.

O BNG quere indicar que as aportacións de axuda a Haití deben realizarse a través do Fondo Galego de Cooperación e Salidariedade que ten aberta a súa Conta de Emperxencia a fin de recadar fondos cos que contribuír á reconstrucción do país, en situación dramática como sabes polo terremoto padecido o día 12 de Xaneiro.

O número de conta é: 2091.0209.10.3040019000, de Caixa Galicia, indicando “Emerxencia Haití“.

Tedes máis información na web do Fondo Galego de Cooperación e Solidariedade (www.fondogalego.org).

O BNG de Baiona quere felicitar as familias pola boa nova que temos recibido hoxe da liberación do Alakrana.

Tamén queremos felicitar o pobo de Baiona que dende o noso punto de vista supo estar a altura das circunstancias e apoiou en todo momento os nosos veciños secuestrados e as súas familias.

Os portavoces do BNG en materia de pesca no Parlamento Galego e no Congreso dos Deputados, Bieito Lobeira e Olaia Fernández Davila, manifestan a súa “grande satisfación e alegría que sentimos pola liberación do atuneiro Alakrana, e porque, por fin, os seus 36 tripulantes poderán reencontrarse coas súas familias e achegados”.

Aseguran que “remata unha longa agonía de máis de mes e medio, e desexamos que os mariñeiros, na compaña dos seus seres queridos, poidan esquecer canto antes o pesadelo que viviron”.

6 Novembro 09. O Bloque Nacionalista Galego fai un chamamento á sociedade galega a que secunde de xeito masivo a manifestación convocada para mañá sábado en Vigo polos familiares dos tripulantes do Alakrana.

O portavoz nacional do BNG, Guillerme Vázquez, asistirá a esta marcha -na compaña de numerosos cadros e militantes nacionalistas- para expresar a súa solidariedade cos familiares dos mariñeiros galegos que se achan en poder dos piratas somalíes.

En declaracións feitas esta mañá en rolda de imprensa, o líder do BNG chamou a deixar esta cuestión fóra da confrontación partidista, mais ao tempo instou ao Goberno a que se mova coa maior dilixencia posíbel para pór fin a este pesadelo, “desde a perspectiva de que o único importante é preservar a integridade física dos mariñeiros”.

O portavoz nacional non dubidou en cualificar de “erro” o traslado de dous dos piratas somalíes a Madrid para seren postos a disposición da Audiencia Nacional. “Evidentemente foi unha torpeza que agora complica a resolución do conflito. En calquera caso, con vontade política é posíbel achar unha solución que se traduza na liberación dos tripulantes do Alakrana”.

Xose Enrique Fernández Fernández e Roberto Carlos Valverde Sabín concelleiros do grupo municipal do BNG no concello de Baiona. Tras os últimos acontecementos vividos no secuestro do Alakrana nos que 2 tripulantes Galegos e 1 Vasco foron baixados a terra e pesa sobre eles unha ameaza de asesinato para o vindeiro Domingo,

 Propoñemos, que o Concello de Baiona, como medida de apoio a os familiares dos tripulantes do Alakrana:

 1.- Suspenda a II Festa da Lura prevista para este fin de semana.

 2.- Convoque concentracións diante da casa do Concello a partir de mañá Sábado ás 13 horas, mentres non se resolva satisfactoriamente o secuestro do Alakrana.

Roberto Carlos Valverde Sabín              Xosé Enrique Fernández Fernández.

Concelleiro do B.N.G.                                 Portavoz Municipal do B.N.G.

O BNG solidarízace cos familiares e amigos dos mariñeiros secuestrados do Alakrana.

Liberade aos nosos mariñeiros.

Bieito Lobeira denuncia que “o Estado español incumpre as recomendacións da Organización Marítima Internacional de prevención da piratería”, vixentes dende 1999

O portavoz de Pesca do BNG no Parlamento Galego, Bieito Lobeira, esixiu hoxe que a Operación Atalanta da Unión Europea “tamén teña como obxectivo a protección dos buques pesqueiros” que faenan no Océano Índico. Asemade, demandoulle á Xunta de Galiza que “asuma un papel máis activo para conseguir a liberación dos mariñeiros galegos do Alakrana”.

O deputado do BNG advertiu hoxe na Comisión de Pesca do Parlamento Galego de que a situación dos 250 mariñeiros galegos que traballan en buques pesqueiros no océano Índico “é moi grave, porque están nunha situación de máxima inseguridade”.

Neste sentido denunciou “o caso do Alakrana é a crónica dun secuestro anunciado”. Así, lembrou que “a Operación Atalanta da Unión Europea non ten como obxectivo a protección dos buques pesqueiros que faenan no Océano Índico, senón crear un corredor de seguranza entre Djibuti e o Golfo de Adén para o paso de buques de mercadorías e petroleiros”.

O exército español está alí para protexer o tráfico de mercadorías, non aos pesqueiros

A este respeito, denunciou que os medios aéreos e navais que enviou á zona o Goberno español “a inmensa maioría da súa actividade céntrase en protexer ese corredor para o tráfico de mercadorías, pero non á flota pesqueira do Estado español”.

Puxo como exemplo que “o avión de recoñecemento do Exército español, dende o mes de xullo só estivo na zona onde falena a zona pesqueira do Estado español tres días, o resto estivo entre Djibuti e o Golfo de Adén”.

O Estado español incumpre a normativa da OMI contra a piratería

Ademais, o deputado do BNG cualificou de “absurdas” as recomendacións do Goberno español ao buques pesqueiros que faenan na zona, como faenaren xuntos, que embarquen mercenarios ou que empreguen canóns de auga contra piratas fortemente armados.

Bieito Lobeira tamén denunciou que “o Goberno español teña desoído as recomendacións da Organización Marítima Internacional (OMI) para previr a piratería, unhas recomendacións vixentes dende 1999 e das que o Goberno español fixo caso omiso”. Citou como exemplo a recomendación de levar seguridade pública a bordo dos buques ou realizar teccións vía satélite das naves nodrizas desde as que parten os piratas”.

“A Xunta de Galiza tense que implicar e deixar de excusarse de que é competencia do Estado”

En canto á actuación da Xunta de Galiza, o deputado do BNG denunciou que “o Goberno galego non asume como propio o problema da seguridade dos mariñeiros galegos no Índico”.

Asegurou que “non vale con escudarse en que este tema é competencia de Madrid, porque a Xunta de Galiza pode facer moito, como esixir ante o Goberno Español e ante a Unión Europea que se redifina a Operación Atalanta para que tamén protexa aos buques pesqueiros, como reclamar que se adopten as recomendacións da OMI”.

Asemade, esixiu a presenza da Xunta de Galiza no Gabinete de Crise do Goberno Central.

Apoio do BNG ás mobilizacións para demandar a liberación dos mariñeiros

Por último, Bieito Lobeira amosou o “total apoio e solidariedade do BNG aos 36 tripulantes do Alakrana, 8 deles galegos” e animou á cidadanía a participar nas concentracións convocadas por concellos galegos e bascos para esixir a súa liberación.

Por último, o deputado do BNG lamentou que “dende as institucións e as forzas políticas non se teña reaccionado coa mesma firmeza democrática para esixir a liberación dos mariñeiros, como si se fai cando a persoa secuestrada é un persoeiro ou o secuestro insírese nun conflito político”.

RECORDA: Mañá ás 12 horas, concentración diante do Concello de Baiona.

Información plataforma pola defensa da sanidade pública de Vigo, pulsa aqui.

Este Domigo vémonos en Santiago na manifestación a prol da nosa lingua que sairá da Alameda as 12 h.

Dende o BNG pomos a disposición de todos/as un autobus  o igual que nostras ocasión, que sairá da porta do Parador as 9:30h para reservar praza é preciso chamar a responsabel local, Maria: 630486886.

Un saudo a todos/as.

Unha iniciativa singular con un fin fundamental, a defensa da nosa seña de identidade, o noso idioma.

Enlace a nota de Prensa.

Enlace a Web de Galicicola.