Dende o noso blog tamén queremos contribuir a este chamamento.

chuzame

 Sempre se lle criticou a este goberno que para eles o mais importante de Baiona era a estrada xeral e a parroquia de Baiona en sí, e que o resto das parroquias eran o "felpudo de Baiona" polo abandonadas que están: cheas de maleza, suciedade, falla de recollida de lixo,...; pero ete aquí que as praias, que non están no interior, dan a imaxe mais pobre do noso concello, porque a praia da Barbeira para poder ducharte temos que acostarnos na area debaixo de esta, porque son uns puñados de centimetros só o que separa a ducha do chan, co conseguinte problema de que sempre estaremos cheos de area-terra fangosa pola altura que puxeron de producto foráneo.

 Eu como membro de A.C.E.B.A. falei co presidente da mesma para saber que se estaba a facer dende a asociación de empresarios de denuncia de esta barbaridade que nos está afectando a tódolos baioneses en xeral, pero aos empresarios en particular porque os nosos clientes se nos queixan de que non temos praia de Ribeira.Da montaña de area-terra fangosa cara as murallas do clube de iates, non se pode pasar coa marea alta, e cando está baixa, se pasas, corres o risco de que suba a marea e teñas que mollarte ata a cintura para poder marchar.E na parte da praia que da a o paseo, o quiosco(con todo o seu dereito) ten a pouca praia que queda chea de tumbonas e pedaletas, deixando a poboación e turistas sen poder disfrutar da praia .

 Dende esta carta quero pedir responsabilidades políticas a quen tivo a desastrosa idea de traer ese producto foraneo as nosas praias, igual que a persoa que deixou a o político responsable a facer esa barbaridade .

Dicir tamén que eu son cidadá de Baiona, empresaria e concelleira do B.N.G..

Un saúdo:

Ana Mª Rodríguez Fernández

chuzame

Olaia Fernández Davila, deputada do Grupo Parlamentario Mixto (BNG), volta a preguntar pola batería militar de Cabo Silleiro en Baiona.

No mes de setembro do 2007 xa se formulara unha serie de preguntas nas que o Goberno informou que no protocolo de colaboración asinado entre o Ministerio de Medio Ambiente e o de Defensa, o 8 de novembro de 2006, permite incluír a propiedade Cabo Silleiro (Baiona) na relación de propiedades que poden ser enaxenadas a dito departamento.

Na mesma resposta se comenta que o Ministerio de Defensa ofrece as propiedades do uso da defensa o resto das administracións, entidades e organismos públicos (Concellos e Comunidades Autónomas) que poden ser adicadas a un fin público. Tamén na mesma resposta comentan que o concello de Baiona mostrou interés en adquirir a propiedade, pero sen ofrecer máis información o respecto. Razón pola que se volta a formular as seguintes preguntas:

¿Mantén o concello de Baiona interés en adquirir esta propiedade?

¿Interesouse por esta estrutura militar algunha outra administración?

Veciños do Concello de Baiona, lexítimos propietarios destes terreos antes do seu uso como base militar, reclaman, dado que manteñen esa mesma lexitimidade, a devolución dos mesmos. ¿Ten en conta o goberno a posibilidade de devolver estes terreos os propietarios que os están reclamando?¿Recoñece o Goberno a existencia dos mesmos?. 

chuzame

O Consorcio Galego de Servizos de Igualdade e Benestar presidido por Quintana acaba de anunciar no DOG 108 do 5 de Xuño a convocatoria do proceso de selección para a contratación de persoal laboral fixo da Galescola de Baiona.

O Bng de Baiona está a preparar unha charla informativa para explicar os requisitos e as funcións dos postos de traballo ofertados que son os seguintes:

4 --> Mestres/as

8 --> Educadores/as

2 --> Servizos Xerais.

Na vindeira semana indicaremos Lugar e Hora da Charla. Para poder obter máis información pódese consultar a páxina Web do Consorcio. O prazo de presentación remata os 20 días da súa publicación no DOG.

chuzame

O vindeiro 14 de Xuño celebrarase no Carballiño (Ourense) o programa "Lecer para os nosos maiores" con unha amplia oferta de actividades. Deste xeito e por primeira vez o BNG de Baiona quere convidar os maiores do noso concello a asistir a esta xornada de entretenemento e de lecer, poñeranse a disposición dos interesados autocares de balde para poder acudir a Carballiño que sairán da porta do Parador de Baiona e da Praza de Abastos de Sabarís as 8:30 do Sábado 14 de Xuño, todo aquel interesado en acudir só ten que facer a reserva de praza chamando o teléfono 652823927.

chuzame

O senador do BNG, Xosé Manuel Pérez Bouza, considera “irreal” a cifra de 99% de núcleos de poboación do rural galego que dispoñen de cobertura de internet de banda larga, “algo que pode contrastar calquera cidadán intentando contratar acceso a internet no rural”.

Pérez Bouza preguntoulle esta mañá no Pleno do Senado ao ministro de Industria, Turismo e Comercio, Miguel Sebastián, pola “cobertura real” de poboación en zonas rurais e illadas de Galiza que garante o Goberno dentro do Plan de Extensión de Banda Ancha (PEBA) para o presente 2008.

Lembroulle que faltan uns 5 meses para que conclúa o PEBA , unha iniciativa do Ministerio de Industria, Turismo e Comercio que en Galiza está a executar Telefónica para “estender a cobertura de banda ancha ás zonas rurais e illadas onde non existe unha oferta con condicións similares ás dispoñíbeis nas zonas urbanas” e subliñou, con 28.741 núcleos de poboación contemplados, Galiza conta co 49,46% das zonas do Estado obxectivo do PEBA.

O ministro asegura que o 99% da poboación do rural galego ten cobertura para acceder a internet de banda larga

Na súa reposta o ministro de Industria asegurou que Telefónica “está cumprindo as tres condicións que marcamos: cobertura en todos núcleos de poboación de Galiza, chegando como mínimo ao 90% da poboación, e cumprir as condicións de prezos e técnicas marcadas”.

Neste sentido, informou de que “dos 28.806 núcleos de poboación galegos incluídos no Plan PEBA, no 99,8% cumpriuse o obxectivo, achegando a cobertura de internet de banda larga a 313 municipios e a 1,2 millóns de habitantes, o que supón o 99,4 % da poboación” obxectivo.

Engadiu ademais que se abrirá unha nova convocatoria –Fase III do PEBA- para 1.908 núcleos de zonas diseminadas. O ministro concluíu asegurando que “o Estado Español é o país da Unión Europea con máis cobertura de internet no medio rural”.

“Visión triunfalista que non se corresponde coa realidade”

Para o senador do BNG a resposta do Ministro de Industria “ten un ton triunfalista que non se corresponde coa realidade, xa que Telefónica non cumpra ningunha das tres condicións marcadas no Plan PEBA”.

Así, lembroulle que “Telefónica considera que un núcleo de poboación está cuberto cando en realidade trátase dunha cobertura parcial, co que arredor do 20% da poboación destes núcleos segue sen posibilidades de acceder á banda larga”.

Denunciou tamén que “a calidade do servizo que se ofrece é inferior á das áreas urbanas e a custo maior para os usuarios”. Así, os servizos de ADSL rural permiten un ancho de banda de só 512 kb , mentres que o WIMAX e Satélite só de 256 kb.

“O BNG esixe ao Goberno que obrigue a Telefónica a cumprir coas condicións establecidas”

Ademais, lembrou que os clientes do servizo ofertado a través do PEBA non teñen posibilidades, en moitos casos, de contratar outros servizos, como pode ser o DUO, que son en gran medida tractores da extensión do uso da banda longa. “E todo isto -subliñou- por un prezo de 39 € mensuais aos que lle hai que engadir o prezo da liña e o IVE”.

“En Galiza moitos núcleos de poboación do rural seguen sen ter cobertura de internet, e cando a teñen é de calidade inferior e a un prezo inferior á das zonas urbanas. O BNG esixe que o Goberno obrigue a Telefónica a cumprir coas condicións establecidas: acceso á banda larga en todos os núcleos incluídos no Plan PEBA, cun ancho debanda non inferior a 1 Mb, cun prezo non superior a 40€ mensuais e que permita contratar servizos como o DUO”, concluíu o senador do BNG.

En Baiona a situación non deixa de ser tamén preocupante o igual que no resto do pais. Todas as Parroquias do noso Concello teñen problemas no acceso a Banda Ampla, agás o centro de Baiona e o Centro de Sabarís, o resto dos veciños e veciñas baioneses teñen que conformarse co chamado Internet Rural no mellor dos casos, xa que en moitas zonas de Belesar, Fontes, e Baredo esto tampouco é posibel.  A cifra do 99% de cobertura no rural de Baiona non se cumple.

chuzame

As políticas de cambio transformador que impulsa o nacionalismo desde o Goberno de Galiza teñen un obxectivo basilar: o de pór en valor todos os recursos propios do país para mellorar as condicións de vida dos galegos e das galegas.

O parque Eolico que se prentende construir na Serra da Groba que é un proxecto que se remonta o anterior plan eolico non encaixa dentro desta nova visión que se impulsa dende a Concellería de Industria, polo tanto esta non deixa de ser sinon outro argumento máis para non permitir que se acometal tal desfeita na Serra da Groba.

chuzame

A consellería de Medio Rural invirtirá un total de 120.000 € para rematar un saneamento en Baiña, esta será unha das inversión que a Consellería acometerá neste ano no noso Concello, ademais do arranxo de distintos camiños en todo o Concello. O Certo é que o BNG volta a realizar inversión no noso Concello algo o cal nos estabamos acostumados cando na Xunta gobernaba o partido popular e no Concello outra forza política as inversión en Baiona eran cero. O BNG dende a Xunta de Galicia ben demostrando que existe outra maneria de gobernar que é pensando na cidadanía, nos veciños e veciñas e non nos cores dos partidos. Deste xeito no noso concello no que resta de ano culmiraranse grandes proxectos e con grandes inversión no noso concello.

Non temos que olvidar que moitas destas inversión se conseguen gracias o gran traballo que os nosos dous cocelleiros están a realizar diante das consellerías do BNG, en breve presentasemos un calendario de actos onde se dará detallada información sobre todo o traballo desenvolvido polas Consellerías do BNG no noso concello.

chuzame

Hoxe estiveron en Baiona o Director Xeral de Acción Social, dependente da Dirección Xeral de Benestar da Vicepresidencia da Xunta de Galicia, D. Bieito Seara Formoso e o Delegado Provincial da Vicepresidencia da Xunta D. Francisco Xabier Verea Argibay, ambos visitaron xunto cos representantes de todas as formacións políticas baionesas, agás Manolo Vilar as obras do Centro de Dia que se está a executar na Parroquia de Sabarís preto da fonte do Pombal lindando co camiño real. Foi o aparellador municipal, anterior encargado da dirección de obra do centro de día o encargado de realizar as esplicacións do estado actual das obras así como da explicación da súa distribución, segúndo a exposición espérase que despois do verán as obras do centro de día esten totalmente rematadas co cal podería poñerse en marcha antes de que remate este mesmo ano. Con unha inversión por parte de Vicepresidencia da Xunta de Galicia de máis de 600.000 € Baiona será o primeiro dos municipios do Val Miñor de dispoñer dun centro de día Público para uso e disfrute de todas as persoas dependentes e maiores do noso concello, contará ademáis con transporte adaptado para o traslado de todas as persoas que así o precisen.

Neste mesmo ano comezará a verse e materializarse os esforzos realizados e o investimento feito pola Vicepresindencia en políticas de benestar, tanto coa posta en servizo do Centro de día, así como tamén coa posta en marcha da Galescola.

É por isto polo que hoxe o BNG de Baiona felicitou o traballo e o esforzo realizado tanto do Director Xeral como o Delegado Provincial. Grazas por esta política para a XENTE.

chuzame

 O Día do Libro a editorial Ir Indo estreaba na web unha versión electrónica do seu dicionario de galego, poucos días despois mellora este produto cunha nova aparencia gráfica, que completando os contidos do dicionario, que agora conta en cada definición con etimoloxías, equivalentes en portugués, español e inglés, sinónimos, antónimos, variantes, novas traducións e préstamos, converténdose no servizo deste tipo máis completo na Rede.
Amais, os usuarios poderán facer consultar partindo de entradas en portugués, español ou inglés, polo que pode empregarse como axuda para traducións ao galego.
O Dicionario de Galego de Ir Indo tamén se pode consultar dende o móbil grazas á que conta cunha versión WAP, polo que conta cunha grande dispoñibilidade, que sumada ao feito de que recolla as modificacións das Normas Ortográficas e Morfolóxicas do idioma galego aprobadas pola Real Academia Galega o 12 de xullo de 2003, o converte nunha ferramenta case imprescidindible.

chuzame