Nove.
Este sábado o Instituto de Estudos Miñoranos presentou no Aditorio V Centenario de Baiona un Libro-CD-DVD sobre a "Volta dos Nove":
"ARTE E MEMORIA. ARTE É MEMORIA.
Quince de outubro, 1936, na saída de Baiona cara a Baredo, na altura da Bombardeira, nove veciños do Val Miñor son asasinados nunha máis das cruentas matanzas que naqueles meses asolaron o noso país nunha guerra de exterminio planificada.
A memoria das súas mortes escribiu unha das máis fermosas páxinas de resistencia. Durante décadas mans anónimas e populares riscaron sobre as areas da beira da estrada nove cruces, realizadas cun trazo de urxencia. O lugar sería dende aquela coñecido como A VOLTA DOS NOVE" (www.minhor.org)
Estivo presente a Delegada de Cultura e os Alcaldes de Gondomar e Nigrán que xunto con Carlos Meixome (Presidente do IEM) e Xose Lois Vilar (Vicepresidente do IEM) foron os encargado de entregarlle un examplar ós familiares dos 9 asesinados.
A nosa compañeira Ana María Rodriguez, membro da comisión volta dos nove, foi a encargada de conducir o acto no cal poidemos escoitar os poemas de Marta Dacosta e Anxo Angueira, así como ver un resumo do Documental.
Sen dúbida un acto fermoso e emotivo onde se recordaron ós nove: Aballe, Antonio, O Gonda, O Lijó, O Rei Chiquito, O Pelonio, Tío Félix, Manolo Barbosa e Generoso.
Video - A volta dos 9 - Presentación en Baiona — Planeta Santiago dixo:
11 xuño 2008 ás 20:53
[...] A volta dos 9 é u libro-disco DVD no que se achega o público un feito tráxico. O Fusilamento de 9 republicanos en Baiona, Pontevedra o 15 de outubro de 1956. Ésta é unha obra colectiva, na que Antón Seoane compón a música, Adrian Marx comparte fotografía, Fran Alonso e Anxo Angueira a poesía e Fernando Casas as esculturas entre outros,. [...]